Heilung - NorupoNorupoFé vældr frænda rógeføðesk ulfr í skógeÚr...

Heilung - Norupo



Norupo

Fé vældr frænda róge
føðesk ulfr í skóge

Úr er af illu jarne
opt løypr ræinn á hjarne

Þurs vældr kvinna kvillu
kátr værðr fár af illu

Óss er flæstra færða
fǫr; en skalpr er sværða

Ræið kveða rossom væsta
Reginn sló sværðet bæzta

Kaun er barna bǫlvan
bǫl gørver nán fǫlvan

Hagall er kaldastr korna
Kristr skóp hæimenn forna

Nauðr gerer næppa koste
nøktan kælr í froste

Ís kǫllum brú bræiða
blindan þarf at læiða

Ár er gumna góðe
get ek at ǫrr var Fróðe

Sól er landa ljóme
lúti ek helgum dóme

Týr er æinendr ása
opt værðr smiðr blása

Bjarkan er laufgrønstr líma
Loki bar flærða tíma

Maðr er moldar auki
mikil er græip á hauki

Lǫgr er, fællr ór fjalle
foss; en gull ero nosser

Ýr er vetrgrønstr viða
vænt er, er brennr, at sviða